ഉബണ്ടു 10.04

ഓണാഘോഷം - 2009 @ ബാര്‍ട്ടണ്‍ഹില്‍ എന്‍ജി. കോളേജ്

എന്റെ കലാലയത്തിലെ(ഗവ:എന്‍ജിനിയറിംഗ് കോളേജ്, ബാര്‍ട്ടണ്‍ഹില്‍, തിരുവനന്തപുരം) ഈ വര്‍ഷത്തെ (2009 - ലെ) ഓണാഘോഷം ആഗസ്റ്റ് 28നാണ് നടന്നത്. ഈ വര്‍ഷത്തെ ഓണത്തിന്റെ ഏറ്റവും വലിയ പ്രത്യേകത, അത് എന്റെ കലാലയജീവിതത്തിലെ അവസാന ഓണാഘോഷമാണ് എന്നുള്ളതാണ്. ഓണാഘോഷത്തിനു അത്തപ്പൂക്കള മത്സരം,എറ്റവും നല്ല മാവേലി, തറയടി, ഉറിയടി, കസേരചുറ്റല്‍, നാരങ്ങയും സ്പൂണും, വടം വലി തുടങ്ങിയ മത്സരങ്ങളും കോളേജ് യൂണിയന്‍ സംഘടിപ്പിച്ചിരുന്നു.

വിക്കിപീഡിയ - സ്വതന്ത്ര സര്‍വ്വവിജ്ഞാനകോശം

ആര്‍ക്കും തിരുത്താവുന്ന ഒരു ഓണ്‍ലൈന്‍ സര്‍വ്വവിജ്ഞാനകോശമാണ് വിക്കിപീഡിയ.
ധാരാളം ഭാഷയില്‍ വിക്കിപീഡിയ ലഭ്യമാണ്. മലയാളത്തിലെ വിക്കിപീഡിയ ഇപ്പോള്‍ അതിന്റെ ബാല്യത്തില്‍ നിന്ന് ബഹുദൂരം പിന്നിട്ട് യൌവ്വന ദശയില്‍ എത്തി നില്‍ക്കുകയാണ്. ഇതിനകം തന്നെ ലോകത്തിന്റെ പലകോണിലിരുന്ന്, നിരവധി സന്നദ്ധ സേവകരായ മലയാളികള്‍ അവരുടെ വിജ്ഞാനം പങ്കുവച്ച് മലയാളം വിക്കിപീഡിയയെ നല്ലൊരു നിലയില്‍ എത്തിച്ചിട്ടുണ്ട്.
ജിമ്മി വെയില്സ്, ലാറി സാങര്‍ എന്നിവര്‍ 2001 ജനുവരി 15 നാണ് വിക്കിപീഡിയ സംരംഭം തുടങ്ങിയത്. 229 ഭാഷകളില്‍ വിക്കിപീഡിയയുടെ പതിപ്പുകളുണ്ട്‌. ധാരാളം ഭാരതീയ ഭാഷകളില്‍ വിക്കിപീഡിയ നിലവിലുണ്ടെങ്കിലും, ഏറ്റവും കൂടുതല്‍ ലേഖനങ്ങളുള്ള ഭാരതീയഭാഷ മലയാളം തന്നെയാണ്. ധാരാളം വിഷയങ്ങളെക്കുറിച്ചുള്ള ലേഖനങ്ങള്‍ മലയാളം വിക്കിപീഡിയയില്‍ ലഭ്യമാണ്. മലയാളം വിക്കിപീഡിയയില്‍ ഇനിയും ധാരാളം വിഷയങ്ങളെക്കുറിച്ചുള്ള ലേഖനങ്ങള്‍ എഴുതേണ്ടതായിട്ടുയുണ്ട്. അതിനായി മലയാളികളായ നമ്മുടെ നിസീമമായ സഹായം ആവശ്യമാണ്.
വിക്കിപീഡിയയെക്കുറിച്ചറിയാന്‍ ഇവിടെ ക്ലിക്ക് ചെയ്യുക.
മലയാളം വിക്കിപീഡിയയെക്കുറിച്ച് കൂടുതല്‍ അറിയാന്‍ ഈ ലിങ്ക് സഹായിക്കും.

മലയാളികള്‍ മാത്രം വായിക്കാന്‍...

മറ്റുള്ള ഭാഷകള്‍ കേവലം ധാത്രിമാര്‍

മര്‍ത്യനു പെറ്റമ്മ തന്‍ ഭാഷതാന്‍ -വള്ളത്തോള്‍

ലോകത്തിന്റെ എല്ലാ കോണിലും ഇന്ന് മലയാളിയുടെ സാന്നിദ്ധ്യമുണ്ട്. മലയാളി അവന്റെ കഴിവ് എല്ലാ മേഖലകളിലും തെളിയിച്ചിട്ടുമുണ്ട്. എന്നാല്‍ വിവര സാങ്കേതിക രംഗത്ത് മലയാളിയുടെ, മലയാളത്തിലുള്ള മുന്നേറ്റം വളരെ കുറവാണ്‌. 1987 കാലഘട്ടങ്ങളില്‍ യൂണീക്കോഡ് ക്യാരക്ടര്‍ എന്‍കോഡിംഗ് വിദ്യ നിലവില്‍ വന്നതു മുതല്‍ മലയാളം കമ്പ്യൂട്ടിങ് എന്ന സ്വപ്നം സാക്ഷാത്കരിക്കപ്പെട്ടു. എന്നാല്‍ ഈ ഇരുപത്തിയൊന്നാം നൂറ്റാണ്ടിലും മലയാളത്തെയും മലയാളം കമ്പ്യൂട്ടിങിനെയും ഇഷ്ടപ്പെടുകയും, ഉപയോഗിക്കാന്‍ താത്പര്യം കാണിക്കുന്നവരുടേയും എണ്ണത്തില്‍ അധികം വര്‍ദ്ധനവൊന്നും ഉണ്ടായിട്ടില്ല. ഓര്‍ക്കുട്ട്, വിക്കിപീഡിയ തുടങ്ങിയ സംരംഭങ്ങള്‍ മലയാളത്തില്‍ ലഭ്യമായിട്ടും അത് ഫലപ്രദമായി ഉപയോഗിക്കുന്നവരുടെ എണ്ണം വളരെ കുറവാണ്. മലയാള ഭാഷയെ മലയാളികളായ നമ്മള്‍ തന്നെ ഉപയോഗിക്കുകയും വളര്‍ത്തുകയും വേണം. ഇനിയെങ്കിലും കുറഞ്ഞത് ഓര്‍ക്കുട്ടില്‍ സ്ക്രാപ്പ് അയക്കാനെങ്കിലും മലയാളം ഉപയോഗിക്കാന്‍ ശ്രമിക്കുക.